אױפן שטענגל
<>
© RGV
אױפן שטענגל
אױפן שטענגל
אַ ליכטיק װייסע בלום
זי הערט ניט אױף צו שטראַלן
גלייך אַ ציטערדיקע אױסגעפּוצטע כלה
װאָלט מען צו די חופּה־שטאַנגען פירן.
אָבער הערט אַ מעשה –
װאָס מער איך בליק זיך איין
אין אָט דער רױז דער װייסער
אַלץ מער און מער באַראַשן מיך
פאַרשײדענע פילפאַרביקע
קאָלירן,
ביז כ'קום װי ס'דאַכט
צום ענדלעכן סך־הכל:
כ'װעל, חלילה, ניט אַראָפּ פון גלייכן זינען
אױב כ'װעל די גלייכע צאָל
פון די קאָלירן נישט געפינען.
posted by elabrek @ 4:54 PM
0 comments
